+ ახალი პოსტის დამატება
შედეგები 1 / 2 (2-დან)

თემა: შალკე გაგიჟდა: ჰუნტელაარიც, ხურადოც და პლესტანიც

Share
  1. #1
    Super Moderator franshiza - ცოტაღა აკლია პოპულარობამდე franshiza-ის ავატარი
    გაწევრიანდა
    Feb 2010
    მდებარეობა
    Tbilisi
    ასაკი
    31
    პოსტები
    205

    დონე: 35 [?]
    გამოცდილება: 720 482
    შემდეგი დონე: 824 290

    რეპუტაცია
    10

    შალკე გაგიჟდა: ჰუნტელაარიც, ხურადოც და პლესტანიც

    როგორც მოსალოდნელი იყო, სატრანსფერო პერიოდის ბოლო დღეს, გელზენკირხენის "შალკემ" კიდევ სამი ხმაურიანი ტრანსფერი სრულყო: ლევან ყენიას გუნდმა, რომელმაც ბუნდესლიგის ორივე თამაში წააგო, "მილანიდან" ჰოლანდიელი თავდამსხმელი კლაას იან ჰუნტელაარი გადაიბირა, მადრიდის "ატლეტიკოდან" ნახევარმცველი ხოსე მანუელ ხურადო, ხოლო "ლილიდან" მცველი ნიკოლა პლესტანი.

    27 წლის ჰუნტელაარში "შალკემ" "მილანს" 14 მილიონი ევრო გადაუხადა, რაც საკმაოდ დიდი თანხაა იმ ფორვარდისთვის, რომელსაც ბოლო დროს ისეთი პატივსაცემი აღარ არის, როგორც ერთ დროს, კერძოდ, ამსტერდამის "აიაქსში" თამაშის დროს იყო. ჰუნტელაარს "მილანთან" კონტრაქტი 2013 წლამდე აკავშირებდა, მაგრამ "როსონერიში" აითვალწუნეს და მით უმეტეს მას შემდეგ, რაც მილანურმა გრანდმა ზლატან იბრაჰიმოვიჩი იყიდა (გუშინ "როსონერიმ" რობინიოც გადაიბირა), ჰუნტელაარი "სან სიროზე" აღარ სჭირდებოდათ. ჰოლანდიელი გასულ სეზონში "მილანში" უმეტესად სათადარიგო თავდამსხმელი გახლდათ. მართალია, 25 მატჩი ჩაატარა, მაგრამ აქედან 14-ჯერ მხოლოდ შეცვლაზე ითამაშა. საერთო ჯამში, ჰოლანდიელმა "მილანისთვის" 7 გოლის გატანა შეძლო.

    აქვე იმასაც გეტყვით, რომ ჰუნტელაარმა მსოფლიოს ჩემპიონატის 4 შეხვედრაში მიიღო მონაწილეობა. ჰუნტელაარს "შალკეში" "ძველი ნაცნობი", რაული დახვდება. ჰოლანდიელი და ესპანელი "რეალში" ერთად თამაშობდნენ, მაგრამ ისიც უნდა ითქვას, რომ მოედანზე ერთად ყოფნა ძალიან იშვიათად უწევდათ.

    რაც შეეხება ხურადოს ტრანსფერს: "შალკე" და "ატლეტიკო" გუშინ შეთანხმდნენ. "ცხოვრებაში არსებობს მომენტები, როცა უარს უბრალოდ ვერ ამბობ. ახლა სწორედ ასეთი შემთხვევაა და მიხარია, რომ "შალკეში" ვითამაშებ. ამ გუნდს უდიდესი მიზნები აქვს და ყველაფერს გავაკეთებ საიმისოდ, რომ "შალკესთან" ერთად დიდ წარმატებებს მივაღწიო," - განაცხადა 24 წლის ხურადომ, რომელმაც პრიმერადივიზიონის პირველ ტურში "ხიხონთან" (4:0 "ატლეტიკოს" სასარგებლოდ) გოლი გაიტანა და რომელიც მატჩის 78-ე წუთზე შეცვალეს.

    ჩვენი გერმანელი კოლეგების ინფორმაციით, "შალკეს" ხურადოს ტრანსფერი 13 მილიონი ევრო დაუჯდა. გასულ სეზონში ხურადომ "ატლეტიკოს" მაისურით 38 მატჩი ჩაატარა და შვიდი გოლის გატანა შეძლო. ამრიგად, ხურადო რუმინელი ჩიპრიან დეაცის შემდეგ, "შალკესთვის" რიგით მეორე ახალი შემტევი ნახევარმცველია, რაც იმას ნიშნავს, რომ ჯერ კიდევ ტრავმირებულ ლევან ყენიას კიდევ ერთი კონკურენტი გამოუჩნდა.

    ბუნდესლიგაში განცდილმა ორმა მარცხმა ფელიქს მაგათი მიახვედრა, რომ მის გუნდს დაცვაშიც სჭირდებოდა გაძლიერება. სწორედ ამიტომ, "დესპოტმა ფელიქსმა" გუშინ მესამე ტრანსფერიც (!) გაჩარხა და ფრანგული "ლილიდან" ცენტრალური მცველი ნიკოლა პლესტანიც გადაიბირა. "გერმანიის თასზე, "აალენთან" და ბუნდესლიგის პირველ ტურში, "ჰამბურგთან" მატჩიც შევამჩნიე, რომ დაცვაში გვიჭირდა და მივხვდი, რომ ამ პოზიციაზე კიდევ უნდა გავძლიერებულიყავით," - უთხრა მაგათმა "კიკერს".

    აღსანიშნავია, რომ გასულ სეზონში პლესტანმა "ლილში" მხოლოდ ხუთი მატჩი ჩაატარა, მაგრამ მაგათის აზრით, ეს ფეხბურთელი არ არის დაბალი კლასის. საინტერესოა ისიც, რომ მაგათს ამ მცველის ყიდვა 2009 წელსაც სურდა, როცა ის ჯერ კიდევ "ვოლფსბურგის" თავკაცი გახლდათ. პლესტანის შეძენა ფელიქსისთვის პირველ რიგში იმის გამო გახდა პრიორიტეტული, რომ "რეალიდან" გადმოყვანილი კრისტოფ მეტცელდერი სეზონის პირველ ოფიციალურ მატჩებში ძალიან ცუდად გამოიყურებოდა.

  2. #2
    Super Moderator Dato - ცოტაღა აკლია პოპულარობამდე Dato-ის ავატარი
    გაწევრიანდა
    Mar 2010
    მდებარეობა
    TemQa
    ასაკი
    28
    პოსტები
    219

    დონე: 35 [?]
    გამოცდილება: 762 528
    შემდეგი დონე: 824 290

    რეპუტაცია
    10

    ამათო მაგარი ტრანსფერი წელს იყო, რაულის გადაყვანა და 2 თამაშში 27 ჯერ შეეხო ბურთს და კარისკენაც კი არ დაურტყამს

    1 0 0 % Alcoooooooooooooooooooooholics

+ ახალი პოსტის დამატება

ინფორმაცის თემის შესახებ

ამ თემას ათვალიერებს:

ეხლა ამ თემას ათვალიერებს 1 მომხმარებელი. (0 წევრი და 1 სტუმარი)

     

თემის ციტატები

დაპოსტვის წესები

  • თქვენ არ შეგიძლიათ გახსნათ ახალი თემა
  • თქვენ არ შეგიძლიათ დაპოსტოთ პასუხი
  • თქვენ არ შეგიძლიათ ატვირთოთ ფაილი
  • თქვენ არ შეგიძლიათ ჩაასწოროთ თქვენი პოსტი
We accept eMoney